Qazaqstanda stalkıng (qýdalaý), nekege májbúrleý jáne áýe kemesin basqarýǵa kedergi keltirý áreketteri úshin qylmystyq jaýapkershilik engiziledi. Bul jáne ózge de normalar «Qazaqstan Respýblıkasynyń keıbir zańnamalyq aktilerine qylmystyq zańnamany ońtaılandyrý máseleleri boıynsha ózgerister men tolyqtyrýlar engizý týraly» Zańda qarastyrylǵan, dep habarlaıdy Egemen.kz.
QR Ádilet mınıstrliginiń ókili Dýman Súleımenovtiń aıtýynsha, zań azamattar men kásipkerlerdiń quqyqtaryn qorǵaýdy kúsheıtýdi, qylmystyq prosestegi jaryspalylyqty nyǵaıtýdy jáne artyq bıýrokratııany azaıtýdy kózdeıdi.
«Zań azamattar men kásipkerlerdiń quqyqtaryn qorǵaýdy kúsheıtýge, qylmystyq prosestegi jaryspalylyqty nyǵaıtýǵa, sondaı-aq qylmystyq prosesti ońtaılandyrý men bıýrokratııany azaıtýǵa baǵyttalǵan», dedi ol.
Endi jeke ómirge qol suǵýshylyq, májbúrli neke jáne qoǵamdyq qaýipsizdikke qater tóndiretin áreketter zańmen qatań jazalanatyn bolady.