Norvegııalyq 79 jastaǵy azamat Trıýgve Bernhardsen 65-tegi Ellen Hertsbergke úılenip jatqan toıynda 800 metrlik qashyqtyqqa júzip shyqty. Qarııa bul aralyqty eki nemeresiniń janynda júzip otyrýlarymen baǵyndyrdy.
Bul sýǵa júzýdiń bir qıyndyǵy, sol kúni ashyq teńizdegi jaǵdaı da mundaı erlik jasaýǵa onshalyqty qolaıly bola qoımapty. Shamalydan keıin sebelep jańbyr jaýyp ketken de, arty kúshti jelge ulasqan. Al sýdyń jylylyǵy 14 gradýstan aspaǵan. Soǵan qaramastan, qarııa bul kedergilerden óte bilgen. Sýǵa túser aldynda Trıýgve jýrnalıstermen kezdesip, olarǵa osy saltanatqa qatysýlarynyń ózi onyń qaıtar jolda jaqsy júzip kelýine kepil bolatynyn aıtyp ázildegen. Sýda júzip kelgennen keıin kúıeý jigit munyń ózi úshin úlken synaq bolǵanyn moıyndaǵan. Jas kezinde uzaq jyldar júzýmen shuǵyldanǵan ol «sýyqtan aıaqtarynyń túgel jansyzdanyp qalǵanyn» jetkizdi. Bul juptyń bir-birlerimen tanys bolǵandaryna 15 jyldan asypty. Sol kezde Trıýgve óziniń ıahtasyn Ellenniń úıiniń mańyna baılapty. Olar qazir sonda turyp jatyr.
Murat AITQOJA.