Týrızm trendteri

Baıanaýyldaǵy Jasybaı, Sabyndykól, Toraıǵyr demalys aımaqtary 14 maý­symnan týrısterdi qabyl­daý­dy resmı túrde bastady. Ult­­­tyq park qyzmetkerleri ót­kizý beketterin talapqa saı etip, arkalar men anshlagtardy, ban­ner­lerdi jańartqan. Týrıs­ter kóp sho­ǵyrlanatyn Jasy­baı demalys aımaǵynda bıyl bir­qatar óz­geris jasaldy. Demalys aı­maq­ta­ryna ótkizetin tórt beket ju­mys isteıdi. Onyń ekeýi Jasy­baı­da, Sabyndykól men Toraıǵyr kól­derinde.

– Jasybaı demalys aıma­ǵyn­daǵy zańsyz dúkender men dúńgir­shek­terdi aldyryp tastadyq. Bıyl kól mańaıynda kıiz úı qurýǵa da ruqsat bermeı otyrmyz. Eki jerde shatyr tigýge arnalǵan ar­naıy alańdar bar. Onyń bireýi bizdiń parkke qaraıdy. Alań­da oryndyqtar, káýap pisiretin oryndar, dárethanalar ornattyq. Bıyl memlekettik satyp alý boıynsha 15 dárethana aldyrttyq. Adamdarǵa tazalyq saqtaýdy, órttiń aldyn alýdy eskertý maqsatynda túsindirý jumysy turaqty júrgiziledi. Qaraýsyz júrgen úı janýarlaryn da anyqtap, ıelerine eskertip jatyrmyz. Budan bólek, bıyl Jasybaı kóliniń ortalyq jaǵajaıynda katamarandar men batýttardy qoıǵyzbaımyz dep sheshim qabyldadyq. Buǵan deıin jaǵajaıdyń biraz bóligin katamarandar basyp turatyn. Olar alynyp, jaǵajaıda dema­lýshylarǵa arnalǵan oryn kóbeıe tústi. Katamaran qyzmetin zańsyz usynyp júrgenderge qarsy kúres jarııaladyq. Qazirdiń ózinde úsh jeke tulǵany anyqtap, olar quqyq qorǵaý organdary arqyly jaýapqa tartyldy. Adamdar erkin demalýy úshin kól mańaıynda barlyq jaǵdaıdy jasaý mindetimiz, – dedi Baıan­aýyl memlekettik ulttyq par­ki­niń dırektory Ajdar Júsipov.

Bıyl Baıanaýyldaǵy demalys aımaqtaryna keletinderge jańa tarıf belgilengen. Eger adam aımaqqa jaıaý kiretin bolsa 590 teńge tóleıdi. Kólikpen kirse, onda birrettik tólem kólik basyna alynady. Máselen, jeńil avtokólikter 1 575 teńge, shaǵyn avtobýstar 7 myń teńge, oryn sany 32-den kóp úlken avtobýstar 19 myń teńgedeı tóleıdi.

Park qyzmetkerleri jartas­ty jerlerdi, taý soqpaqtaryn qoqys­tan tazartyp, arnaıy belgi­ler qoıǵan. «Jasyl damý» baǵ­dar­lamasy arqyly ıns­pek­tor­lar­ǵa 80 myń qoqys salatyn paket, 15 konteıner bólinipti.  Demalýshylardy tazalyq máde­nıe­tin saqtaýǵa shaqyrý – park qyzmetkerleriniń kúndelikti jumysynyń bir bóligi. Jaqyn­da jańa konteınerler ákelinip, olar kól jaǵalaı qoıy­lyp jatyr.

О́tken jyly ulttyq park aýma­­ǵynda 161 myńnan astam týrıst tynyqsa, olardyń 45%-yn Qaraǵandy oblysynan kelgen týrıster quraǵan. Park basshylyǵy demalýshylar sany bıyl eselene túsetinin boljap otyr.

Baıanaýyl aýdanynyń ákim­digi demalys aımaǵyndaǵy sý aıdyndary men jaǵajaılar barlyq kelý­shilerge tegin ári qoljetimdi bolýy kerektigin kásip­kerlerge eskertti. Iаǵnı kól jaǵalaýlaryn qorshaý, kúzet beket­terin ornatý nemese ty­ıym salatyn belgiler qoıý arqyly shekteý jasaýǵa jol berilmeıdi.

– Sý nysandaryn rekrea­sııalyq maqsattarǵa paıdalaný jalpy sý paıdalaný tártibimen óteýsiz negizde júzege asyrylady. Tek jaǵajaıda kórsetiletin qosymsha qyzmetterge, mysaly, jappaı demalý alańyn abattandyrý, tazalaý, kúnnen qorǵaıtyn quraldar­dy, aǵash sákilerdi jalǵa alý, taǵy basqalaryna aqy alynady, – dep eskertti aýdandyq ákimdikten.

Atap óterligi, Baıanaýyl ulttyq parkinde qaraqurttyń shyǵýy bıyl da tirkelip otyr. Jaqynda Baıanaýyl ulttyq parki ǵylym jáne monıtorıng bólimi men Jasybaı bólimshesiniń memlekettik ıns­pektorlary birlese otyryp, 6-oramdaǵy Toraıǵyr kóliniń tas­ty jaǵa­jaıynda qaraqurttardyń kózin joıý is-sharalaryn júrgizdi.

– Is-shara barysynda 93 qara­qurt tabylyp, joıyldy. Onyń ishinde 26-sy atalyq, ózgesi analyq. Qaraqurttar ázirshe jumyrtqa salmaǵany baıqalady. Al taralý aýmaǵy keńeımegen. Buryn qaýipti jándikter anyqtalǵan 30 gektar jerdi ǵana mekendeıtini tirkeldi, – deıdi ulttyq parktiń ǵylymı qyzmetkeri Murat Jasulan.

Pavlodar oblysy,

Baıanaýyl aýdany