Elimizdiń ońtústigindegi «Sypataı batyr» baqylaý-ótkizý beketindegi shekarashylar 700 dana áskerı qapty zańsyz alyp ótýge tyrysqan 34 jastaǵy Qyrǵyzstan Respýblıkasynyń azamatyn ustady.
«Toıota» avtomashınasyna minip, qyrǵyz jerinen kele jatqan azamattyń isi keden qyzmetkerlerine berildi, ol endi QR Ákimshilik quqyq buzýshylyq kodeksiniń 551-babynyń 1-tarmaǵy boıynsha jaýap beretin bolady.
Elimizdiń soltústigindegi Qostanaı shekara otrıadynyń «Qaıraq avto» baqylaý-ótkizý beketiniń baqylaýshylary «Rýdnyı – Chelıabi» baǵytynda ketip bara jatqan avtobýstan 28 jastaǵy otandasymyzdy ustaýǵa májbúr boldy. Shekarashylardyń qyzmettik ıti atalǵan azamat otyrǵan oryndyqtyń arqalyǵyna jasyrylǵan esirtki zatyn birden tapty. Teksere kelgende ol marıhýana bolyp shyqty, salmaǵy 5-7 gramm. Atalǵan derek boıynsha quqyq qorǵaý organdary habarlandyrylyp, tergeý amaldary júrgizilýde, dep habarlady UQK ShQ baspasóz qyzmeti