Marokko Koroldigi 2025–2026 oqý jylyna seriktes elderdiń azamattaryna joǵary, tehnıkalyq jáne kásiptik memlekettik oqý oryndarynda bilim alý úshin 20 grant bóldi. Atalǵan baǵdarlama bakalavrıat, magıstratýra jáne doktorantýra deńgeılerin qamtıdy, dep habarlaıdy Egemen.kz.
Oqý úderisi negizinen fransýz tilinde júrgiziledi. Til bilmeıtin úmitkerler úshin Rabat qalasyndaǵy Halyqaralyq tilder ortalyǵynda arnaıy daıyndyq kýrstary qarastyrylǵan.
Stıpendııaǵa Marokkoda turatyn shetel azamattary, sol eldiń joǵary oqý oryndarynyń túlekteri jáne elshilikterdiń qyzmetkerleri men olardyń otbasy músheleri úmitker bola almaıdy.
Bakalavrıatqa túsý talaptary:
2024 jyly berilgen orta bilim attestaty; Baǵalar «óte jaqsy», «jaqsy» nemese «qanaǵattanarlyq» deńgeıde; Jasy – 19–23 aralyǵynda.Magıstratýra men doktorantýraǵa:
Magıstratýra – joǵary bilim dıplomy, ortasha baly «jaqsydan» tómen bolmaýy tıis; Doktorantýra – magıstr dıplomy nemese soǵan teń dárejeli bilimi bolýy qajet.Aıta keteıik, qujattardy tapsyrýdyń sońǵy merzimi — 2025 jylǵy 31 shilde. О́tinishter www.marocalumni.ma saıtynda qabyldanady, sondaı-aq Qazaqstannyń Marokkodaǵy Elshiligine elektrondy poshta arqyly joldanýy qajet: kazembmar@gmail.com.
Qujattar tizimi:
Úlgerim kestesi; Týý týraly kýálik; Azamattyq pen sottylyǵy týraly anyqtamalar; Medısınalyq qorytyndy; Tólqujat (bolǵan jaǵdaıda); Bilim týraly qujattar men aýdarmalary (fransýz tiline).Grant aı saıynǵy stıpendııa (750 dırham), medısınalyq saqtandyrý jáne turý men tamaqtanýǵa ótemaqy (ótinim negizinde) shyǵyndaryn qamtıdy.
Baǵdarlamaǵa qatysty tolyq aqparat www.amci.ma jáne www.enssup.gov.ma saıttarynda qoljetimdi.