2 shilde kúni taýǵa baryp, habar-osharsyz ketken 17 jastaǵy balanyń denesi búgin saǵat 07: 30-da tabyldy. Onyń joǵalyp ketkeni týraly Almaty qalalyq TJD-ǵa aǵasy 6 shilde kúni habarlaǵan, dep jazady Egemen.kz.
Jasóspirimdi izdeýge TJM RJQJ men TJD-nyń 44 qutqarýshysy, 109 Qutqarý qyzmeti, shekara qyzmeti men polısııa qyzmetkerleri, eriktiler, sondaı-aq 8 tehnıka, 3 ushqyshsyz ushý apparaty, drondar, 4 ıt jáne QR TJM avıasııasy jumyldyrylǵan.
5 kúndik aýqymdy izdeý sharalary nátıjesinde jasóspirim teńiz deńgeıinen 3000 metrden astam bıiktikten tabylǵan.
Almaty qutqarý qyzmetiniń málimetinshe, qutqarýshylar tabylǵan orynǵa jedel jetip, máıitti tasymaldaý jumystaryn bastaǵan. Oqıǵa ornynda jedel shtab jumys istep jatyr.