Mal dárigerleriniń kásibı merekesi kúni baǵaly syılyqty Batys Qazaqstan oblysynyń ákimi Narıman Tóreǵalıev tabys etti, dep habarlaıdy Egemen.kz.
Memleket basshysy Qasym-Jomart Toqaev veterınarııa salasyn damytý jóninde naqty tapsyrma bergen bolatyn. Oraldaǵy oqıǵa – osy tapsyrmanyń oryndalyp jatqanynyń naqty kórinisi. Aýylda turatyn veterınar mamandarǵa arnalǵan qyzmettik kólikter zamanaýı veterınarııalyq qural-jabdyqpen tolyq jabdyqtalǵan. Bul bolashaqta eldi mekenderde veterınarııa qyzmeti jyldam ári tıimdi bolýyn qamtamasyz etedi. Sondaı-aq óńirde aýyl sharýashylyǵy qaýipsizdigi artyp, mal aýrýlarynyń aldyn alýǵa, veterınarııalyq baqylaýdy kúsheıtýge sep bolady.
- О́ńirimizde veterınarııalyq uıymdardyń materıaldyq-tehnıkalyq bazasyn júıeli jańǵyrtýǵa kiristik. Qazir oblysta jańadan veterınarııa beketteri, mal qorymdary salynyp jatyr. Sońǵy eki jylda halyqtyń ómirin qamtamasyz etetin salalardyń materıaldyq-tehnıkalyq bazasyn jaqsartý úshin oblystyq bıýdjetten 10 mlrd teńge bólinip, tótenshe jaǵdaı, orman sharýashylyǵy, kommýnaldyq sharýashylyq, veterınarııa, bilim men densaýlyq salalaryna 700-ge jýyq arnaıy tehnıka satyp alynǵan edi. Al bıyl oblys boıynsha 5 mıllıard teńgege jýyq qarajatqa 200-ge jýyq arnaıy tehnıka satyp almaqpyz. Sonyń aıasynda jýyrda «Batysırrıgasııa» mekemesine 18 kólik tapsyrsaq, búgin veterınarııalyq stansalarǵa 106 arnaıy tehnıka berip otyrmyz, - dedi oblys ákimi Narıman Tóreǵalıev.
Batys Qazaqstan oblysy