Mańǵystaý oblysynda 250-ge jýyq dáriger jetispeıdi. Bul týraly oblystyq densaýlyq saqtaý basqarmasynyń basshysy Bekbolat Izbasarov málimdedi, dep habarlaıdy Egemen.kz.
Onyń aıtýynsha, óńirge terapevt, pedıatr, hırýrg, akýsher-gınekolog, anestezıolog jáne gematolog mamandar qajet.
«Máseleni sheshý úshin byltyrdan bastap kóterme járdemaqy mólsheri ulǵaıtyldy. Qazir Mańǵystaý oblysyna kóship keletin dárigerlerge qarjylaı qoldaý kórsetiledi. Qalada jumys isteıtin mamandarǵa – 3 mln teńge, aýdanǵa barǵandarǵa – 5 mln teńge, al aýylǵa ornalasqandarǵa – 8,5 mln teńge tólenedi», dedi basqarma basshysy.
Bıyl mundaı qoldaýǵa 60 dáriger ıe bolǵan. Jyl sońyna deıin mamandarǵa 50 páter satyp alý josparlanyp otyr.