12–14 shilde aralyǵynda el aýmaǵynda aýa raıy qubylmaly bolady. Atmosferalyq frontaldy bólikterdiń áserinen respýblıkanyń basym bóliginde jańbyr jaýyp, naızaǵaı oınaıdy. Soltústik jáne shyǵys óńirlerde nóser jańbyr jaýyp, burshaq túsýi múmkin, sonymen qatar daýyl soǵýy yqtımal, dep habarlaıdy Egemen.kz.
Sınoptıkterdiń boljamy boıynsha, 12 shilde kúni batys óńirlerde aýa temperatýrasy +35…+39°C deıin kóterilip, keı jerlerde +40…+42°C aptap ystyq kútiledi.
Al elimizdiń ońtústik-batysynda aptap ystyq saqtalady. Aýa temperatýrasy +39…+44°C aralyǵynda bolady. 14 shildede bul óńirde temperatýra +38…+42°C shamasynda bolady.
Basqa óńirlerdegi aýa temperatýrasy kelesideı bolady:
Soltústik aımaqtarda — +15…+23°C; Shyǵysta — +22…+30°C; Ońtústikte — +40…+43°C; Ońtústik-shyǵysta — +35…+38°C gradýs.