Astanada Perızat Qaırat pen onyń anasy Gaını Alashbaevaǵa qatysty qylmystyq istiń sot prosesi ótip jatyr, dep habarlaıdy Egemen.kz.
Prokýratýra málimetinshe, Perızat Qaırat tasqynnan zardap shekkenderge kómek kórsetý maqsatynda qaıyrymdylyqqa qarjy jınaý syltaýymen 2 mıllıard 860 mıllıon teńge jınaǵan. Alaıda bul qarajattyń bir bóligi jeke qajetine jumsalǵan.
Atap aıtqanda, Perızat Qaırat gúl bıznesinen úles satyp alý úshin shamamen 22 mıllıon teńgeni qolma-qol aqshamen tólegen. Sonymen qatar, onyń anasy Gaını Alashbaeva gúl bıznesiniń negizgi aksıonerin qyzyna qajet somany tómendetýge kóndirgeni aıtyldy.
Prokýrorlar Perızat Qaırattyń iri kólemde qarajatty bankomattar arqyly sheship alyp, óz qajetine jumsaǵan naqty mysaldaryn keltirgen. Aıyptaý tarapy bul áreketterdi aldyn ala sóz baılasý arqyly jasalǵan alaıaqtyq jáne aqshany zańsyz ıemdený retinde sıpattaǵan.
Sot otyrysy jalǵasyp jatyr.