Atyraýda naızaǵaı jarqyly túsken 2 qabatty turǵyn úı órtenip ketti. Atyraý oblystyq tótenshe jaǵdaılar departamentiniń ımıdjdik jumystar jáne syrtqy kommýnıkasııalar tobynyń aqparatyna súıensek, oqıǵa keshe, 13 shildede keshki saǵat 19:47-de bolǵan, dep habarlaıdy Egemen.kz.
« Atyraý qalasyndaǵy Hımıkter aýylynda turǵyn úıge naızaǵaı tústi. Sonyń saldarynan Táýke han kóshesinde ornalasqan 2 qabatty turǵyn úı órtendi. Oqıǵa ornyna órt sóndirý qyzmeti jedel jetip, jalyndy saǵat 20:23-te oqshaýlady. О́rt saǵat 20:59-da tolyqtaı sóndirildi», dep habarlady departamenttiń ımıdjdik jumystar jáne syrtqy kommýnıkasııalar toby.
Jalyndy sóndirýge Atyraý oblystyq tótenshe jaǵdaılar departamentinen 18 qyzmetker, 4 tehnıka tartylǵan.