Qazaqstandyq «Shatyrdaǵy ekeý» fılmi Reseıdiń Iаroslavl qalasynda ótken «V krýgý semı» halyqaralyq kınofestıvali aıasynda qazylar alqasynyń arnaıy júldesine ıe boldy. Kartına QR Mádenıet jáne aqparat mınıstrligi men Ulttyq kınony qoldaý memlekettik ortalyǵynyń qoldaýymen túsirilgen, dep habarlaıdy Egemen.kz.
Fılm ulttyq bolmysy, mazmun tereńdigi jáne áleýmettik taqyrypty kóterýi arqyly qazylar alqasynyń joǵary baǵasyna ıe bolǵan.
Aıta keteıik, shyǵarma rejısser Gúlshat Smaǵulovanyń rejısser retindegi debıýti sanalady. Sıýjet taǵdyry aýyr jas jigit Damır men aýtızmge shaldyqqan jasóspirim Kostıanyń arasyndaǵy erekshe dostyqty baıandaıdy. Kartına ınklıýzııa máselesin, erekshe qajettilikteri bar balalardyń qoǵamǵa beıimdelýi men olardy qabyldaý taqyrybyn qozǵaıdy.
Festıval aıasynda fılmdi onyń túpnusqa mýzykasynyń avtory, kompozıtor Vıktor Sologýb tanystyrǵan. Ol marapatty búkil shyǵarmashylyq toptyń atynan qabyldap, kórermenge tolqynysyn jetkizdi. Sonymen qatar, bul týyndy erekshe balalardyń ishki jan dúnıesin tereńirek túsinýge jáne olardy qoǵamǵa jaqyndatýǵa kómektesetinin atap ótti.
Aıta keteıik, 2025 jylǵy «V krýgý semı» kınofestıvali rekordtyq kórsetkishke qol jetkizdi. Bıyl uıymdastyrýshylarǵa 121 elden 2500-den astam fılmge ótinim kelip túsken. Olardyń arasynda Qytaı, Túrkııa, Ońtústik Koreıa, Italııa, Úndistan, Iran, Meksıka, Soltústik Makedonııa elderiniń týyndylary bar. Alǵash ret baıqaýǵa Efıopııa men Senegaldan da fılmder usynylǵan. Festıvaldiń negizgi baǵdarlamasyna 36 elden kelgen tolyqmetrajdy jáne qysqametrajdy týyndylar endi.
«Shatyrdaǵy ekeý» fılmi buǵan deıin de birneshe halyqaralyq marapattarǵa ıe bolǵan. Atap aıtqanda, Hanty-Mansıısk qalasynda ótken XXIII halyqaralyq kıno-debıýttar festıvalinde «Dýsha Rossıı. Mırovoe kıno» nomınasııasyn jeńip alǵan bolatyn. Sondaı-aq Úndistanda ótken «Zolotoı lev» halyqaralyq kınofestıvali aıasynda «Úzdik halyqaralyq tolyqmetrajdy fılm» jáne «Debıýttik fılm úshin úzdik rejıssýra» atalymdarynda jeńiske jetken. Sonymen qatar, Máskeýde uıymdastyrylǵan Fashion Film Festival festıvalinde birden toǵyz júldege ıe boldy.
Fılmniń túsirilim jumystary 2025 jyldyń kókteminde Almaty qalasy men Talǵar aýdanynda ótken. Kórkem týyndy qazaq jáne orys tilderinde túsirilip, 2024 jyly prokatqa shyqqan.