Jasy 18-ge tolǵan ár azamattyń áskerge baryp, Otanǵa adal qyzmet etýi – azamattyq paryzy. Bul oraıda, Qonaev qalasynyń jastary asa belsendilik tanytyp keledi. Jýyrda qalada ótken «Aspan Fest» ashyq aspan astyndaǵy konsert barysynda Qonaev qalasy ákiminiń orynbasary Tólegen Kenjebekov QR QK-de merzimdi áskerı qyzmetin abyroımen atqarǵan qala jastaryna shahar basshysynyń Alǵys hattaryn tabystady, dep habarlaıdy Egemen.kz.
Jastar byltyrǵy jylǵy kóktemgi shaqyrý naýqany boıynsha Otan aldyndaǵy boryshyn ótkerip, joǵary jaýyngerlik daıyndyq kórsetip, elimizdiń joǵary oqý oryndarynda bilim alý úshin «Kóktem – 2024» memlekettik grant ıegeri atandy.
Olardy atar bolsaq, Dosymbek Bekjan Aqylbekuly – Ál-Farabı atyndaǵy Qazaq Ulttyq Ýnıversıteti, Nashırbaı Jasulan Azamatuly – Muhametjan Tynyshpaev atyndaǵy ALT ýnıversıteti, Medvedık Vladık Igorevıch – Ulttyq ıadrolyq zertteý ýnıversıteti, Razýmov Aleksandr Iýrevıch – Qazaq Ulttyq sý sharýashylyǵy jáne ırrıgasııa ýnıversıteti, Rýdzınskıı Danııl Iýrevıch – Q.I.Sátbaev atyndaǵy Qazaq Ulttyq tehnıkalyq zertteý ýnıversıteti, Bolatov Danııar Qanatuly – Saǵadat Nurmaǵambetov atyndaǵy Qurlyq áskerleri Áskerı ınstıtýty, Sáýirbaı Abylaı Azamatuly – Radıoelektronıka jáne baılanys Áskerı-ınjenerlik ınstıtýty jáne Ýmarov Elaman Naýryzbaıuly – Almaty tehnologııalyq ýnıversıteti.
Bul marapat — jas sarbazdardyń eren eńbegine berilgen laıyqty baǵa. Qala basshylyǵy bolashaq ofıserler men mamandarǵa sáttilik tilep, olardyń bilim men eńbek jolynda tabysty bolýyna senim bildirdi.
Almaty oblysy