ASTANA. 7 mamyr. Keshe túnde ÝEFA Chempıondar lıgasynyń jartylaı fınaldyq básekesiniń ekinshi oıyny ótti. «Barselona» óz alańynda «Bavarııany» qabyldap, 3:0 esebimen jeńiske jetti. Bul týraly egemen.kz habarlady.
Oıyn teń dárejede órbidi. Dopqa ıelik etý kórsetkishi boıynsha qonaqtar basym boldy (52% – 48%). Alaıda, qaqpaǵa soqqy baǵyttaý boıynsha «Barselona» alda boldy (17 – 8).
Matchtaǵy alǵashqy gol 77-mınýtta soǵyldy. Danı Alvesten pas alǵan Lıonel Messı esep ashyp, Chempıondar lıgasyndaǵy kezekti golyn soqty. Arada 3 mınýt ótkende argentınalyq shabýylshy ekinshi márte mergendigimen kózge tústi. Al tóreshi qosqan qosymsha ýaqytta Messı brazılııalyq shabýylshy Neımarǵa nátıjeli pas shyǵaryp berdi.
Qos komanda arasyndaǵy qarymta kezdesý 12 mamyrda Mıýnhende ótedi. Jartylaı fınaldyń ekinshi juby «Iýventýs» (Týrın) pen «Real» (Madrıd) arasyndaǵy oıynda, ıtalııalyqtar 2:1 esebimen jeńgenin aıta keteıik.
Elaman Qońyr.
Derek: egemen.kz.
Sýret: championat.com.
«Barselona» (Barselona, Ispanııa) – «Bavarııa» (Mıýnhen, Germanııa) 3:0 (0:0)
6 mamyr. Barselona. «Kamp Noý» stadıony. 99 354 kórermen.
Tóreshi: Nıkola Rıssolı (Italııa).
«Barselona»: Mark-Andre ter Shtegen, Danı Alves, Hordı Alba, Herard Pıke, Haver Maskerano (Mark Bartra 89), Serhıo Býskets, Ivan Rakıtıch (Havı 82), Andres Inesta (Rafınıa 87), Lýıs Sýares, Lıonel Messı, Neımar.
«Bavarııa»: Manýel Noıer, Rafınıa, Jerom Boateng, Mehdı Benatıa, Fılıpp Lam, Hýan Bernat, Habı Alonso, Bastıan Shvaınshtaıger, Tıago Alkantara, Tomas Mıýller (Marıo Getse 79), Robert Levandovskı.
Goldar: Lıonel Messı 77, 80, Neımar 90+4.
Eskertýler: Danı Alves 46, Herard Pıke 66, Neımar 69 – Habı Alonso 35, Mehdı Benatıa 52, Hýan Bernat 56