Almatynyń shetinde Býrýndaıskaıa kóshesinde MAZ markaly krannyń, №10 marshrýttyq avtobýstyń jáne birneshe jeńil kóliktiń qatysýymen jappaı jol apaty boldy. Oqys oqıǵadan 20-dan astam adam zardap shekti, dep habarlaıdy Egemen.kz.
Oqıǵa kýágerlerdiń aıtýynsha, bir sátte kran júrgizýshisi rólge ıe bola almaı, jol ústinde Mercedes pen KIA markaly eki kólikti soǵyp ótken.
Odan soń ol ary qaraı júıtkı, joldyń qarsy betine shyǵyp, ishi adamǵa toly jolaýshylar avtobýsymen betpe-bet soqtyǵysqan.
Qatty soqqydan avtobýs kerige ketip, Subaru markaly kóligin soǵyp jiberedi.
Subaru jol ústinde shyr aınalyp, qaıtadan avtobýstyń artqy jaǵyna soǵylady.
Boljam boıynsha, Mercedes kóliginde bes balasy bar áıel bolǵan. Olardyń jaǵdaıy týraly áli eshteńe belgisiz.
Sońǵy málimetter boıynsha, 20-dan astam avtobýs jolaýshysy dárigerler kómegine júgingen.
Oqıǵa ornynda jol polısııasynyń qyzmetkerleri jumys istep jatyr, olar oqıǵanyń barlyq mán-jaıyn anyqtaıtyn bolady.