Balalar úıi balalaryna qamqorlyq

Aqmola oblysy, Aqkól aýdanynda ornalasqan «Borovıchok» demalys aımaǵy 25 jyldan beri baldyrǵandardyń kúlkisimen kómkerilip keledi. Jyl saıyn astanalyq balalar úıiniń barlyq tárbıelenýshileri atalǵan demalys ornynda jazǵy kúnderin qyzyqty ótkizýge múmkindik alady. Saýyqtyrý maýsymynyń ashylýyna arnalǵan saltanatty sap túzeý ótkizildi. «Astanalyq balalar úıi tárbıe­lenýshileri 3 aı boıy «Borovıchok» jazǵy lagerinde demalatyn bolady. Byltyrǵy jyly 250 bala tárbıelengen bolsa, bıylǵy jyly 134 bala qaraýymyzda. Jyl saıyn munda kelýshilerdiń sany azaıy­p keledi, árıne bizdi qýantatyn jaǵ­daı. Bul elimizde jetimder sa­nynyń azaıyp jatqandyǵynyń kórsetkishi. Osy ýaqytqa deıin júz bala patronattyq qamqorlyqqa alyndy. Otbasy tárbıesine alynsa da 25 jasqa tolǵansha mindetti túrde qadaǵalaýymyzda bolady. Biz qansha jaqsylyq jasaǵanymen, árbir sábı júregi ata-ananyń meıirimine bólenýin ańsaıtyny anyq», deıdi Astana qalasy bilim basqarmasynyń basshysy Elmıra Sýhanberdıeva. Balalar úıi tárbıele­nýshi­lerdiń týystyq baılanystaryn eskere otyryp 12 otbasyna bólin­gen. Munda balalar 4 jastan bastap mektep bitirgenge deıin tárbıelenedi. «Balalar úıinde 19 jyldan astam qyzmet etemin. Bul lager tabıǵaty óte ásem jerde ornalasqan. Demalys kezinde balalardyń taza aýada kóbirek bolýyna jáne sapaly bilim alyp, sportpen aınalysýyna barlyq jaǵdaı jasalǵan. Munda jyl saıyn balalar úshin tabıǵatty qorǵaý jóninde arnaıy sabaqtar ótkiziledi. Demalys oryn­y tek jaz aıynda ǵana emes, sonymen qatar, jyldyń tórt mezgilinde de jumys isteıdi. Qysta kóbine joǵary sy­nyp oqýshylary taza aýa­da shańǵy teýip qyzyqty sátterge kýá bolady», deıdi balalar úıiniń tárbıeshisi Bátes Smaǵulqyzy. Balalar úıiniń muǵalimderi óz tárbıelenýshileriniń bos ýa­qyt­taryn kóńildi uıymdastyrýmen qatar, ár balanyń shyǵarmashylyq qabiletin odan ári jetildirip, olar­dyń boıyndaǵy qabiletterin ashý múmkindikterin de qaras­tyryp otyr. Shara sońynda mektep biti­rýshi túlekterge attes­tattar men kýálikter tabystalyp, belsendi oqý­shylar baǵaly syı­lyqtarmen marapattaldy. Mektep túlekteri umytylmas bul kúndi dostar arasynda ot alaýyn jaǵyp aıaqtady. Dınara DOSPAN.