Brazılııada ótken BRIKS-tiń 17-sammıti aıaqtaldy. Onda Qazaqstan alǵash ret seriktes el retinde qatysty.
Rıo-de-Janeırodaǵy jıynda qatysýshy elder qarýly qaqtyǵystardyń kúsheıýi, halyqaralyq saýdadaǵy proteksıonızmniń ósýi jáne geosaıası qaıshylyqtardyń ýshyǵýyna alańdaýshylyq bildirdi. Sondaı-aq qorshaǵan orta, SOR30, jahandyq densaýlyq saqtaý máseleleri talqylandy. Jıynda osy taqyryptar boıynsha sóz alǵan Syrtqy ister mınıstri Murat Nurtileý ekojúıelerdi saqtaý, ormandardy qorǵaý, Aral teńizin qalpyna keltirý jáne muzdyqtardyń erý úderisterin tejeýge birlesken kúsh-jigerdi qajet etetinin atap ótti. Mınıstrdiń aıtýynsha, deklarasııa qabyldaýdan buryn naqty áreketke kóshetin kez keldi. Osy oraıda ol Qazaqstan Brazılııanyń COP30 konferensııasyn ótkizýin qoldaıtynyn jetkizdi. Sondaı-aq M.Nurtileý Qazaqstan Parıj boıynsha klımattyń ózgerýimen kúres boıynsha is-sharalardy odan ári júzege asyrýǵa kúsh salatynyn atap ótti.
SIM baspasózi qyzmetiniń málimetinshe, mınıstr densaýlyq saqtaý máselelerine de erekshe nazar aýdardy. Ol memleketterdi Alǵashqy medısınalyq-sanıtarlyq kómekti damytý jónindegi jahandyq koalısııaǵa qosylýǵa shaqyrdy. Onyń negizi densaýlyq saqtaý salasyndaǵy mańyzdy halyqaralyq qujat – 1978 jylǵy Almaty deklarasııasynan bastaý alady.
«Elderimiz tabıǵı resýrstarǵa, bilimge jáne áleýetke baı. Biraq eń bastysy bizdi ortaq múddeler biriktiredi. Qazaqstan adamzat pen planeta ıgiligi úshin BRIKS-pen seriktestikti nyǵaıtýǵa daıyn. Birlese jáne aldyn ala áreket eteıik. Osy oraıda barlyq eldi 2026 jyly Qazaqstan BUU-men seriktestikte ótkizetin О́ńirlik ekologııalyq sammıtke qatysýǵa shaqyramyn», dedi SIM basshysy.
Sonymen qatar mınıstr Azııa, Afrıka men Latyn Amerıkasyndaǵy Orta derjavalarynyń jahandyq sheshim qabyldaý úderisindegi rólin arttyrýdy qoldaıtynyn jetkizdi. Osy turǵyda ol elimizdiń birqatar halyqaralyq bastamalary, onyń ishinde Almatyda Ortalyq Azııa men Aýǵanstan úshin Ornyqty damý maqsattary jónindegi BUU О́ńirlik ortalyǵynyń qurylýymen Álemdik jáne dástúrli dinder lıderleriniń sezin ótkizýdi usyndy. Buǵan qosa mınıstr Qazaqstannyń BRIKS elderimen ekonomıkalyq yntymaqtastyqty keńeıtýge, sıfrlyq tehnologııalardy damytýǵa múddeli ekenin aıtty.
«Qazaqstan adamǵa baǵyttalǵan, ınklıýzıvti jáne ornyqty tásildi ilgeriletý jolynda yntymaqtasýǵa daıyn. Bul – adamzat úshin ádiletti sıfrlyq bolashaqty qamtamasyz etý joly», dedi ol.