Búgin Úkimet otyrysynda ekonomıkanyń negizgi sektorlarynyń ekonomıkalyq kórsetkishteri qaraldy, dep jazady Egemen.kz.
Premer-mınıstrdiń orynbasary – ulttyq ekonomıka mınıstri Serik Jumanǵarınniń aıtýynsha, óńdeý ónerkásibinde óndiris kólemi 5,5%-ǵa ósken. Bul ósim mashına jasaýdaǵy óndiristi - 11,1%-ǵa, tamaq ónimderin – 10%-ǵa, munaı óńdeý ónimderin – 9,6%-ǵa, metall buıymdaryn – 14,6%-ǵa, qurylys materıaldaryn – 8,6%-ǵa jáne hımııa ónerkásibi ónimderin – 7%-ǵa arttyrý esebinen tirkelgen.Joǵary ósý qarqynyn taý-ken ónerkásibi saqtap otyr (+8,4%). Bul munaı óndirýdiń 11,6%-ǵa jáne kómir óndirýdiń 11,7%-ǵa artýyna baılanysty. Sonymen qatar qurylystyń ósý qarqyny 18,4%-ǵa deıin jedeldedi. Jartyjyldyqta 7,9 mln m2 turǵyn úı paıdalanýǵa berilgen, saladaǵy ósim ótken jyldyń tıisti kezeńinen 6,6%-ǵa artyq.