Almatyda qoǵamdyq avtobýstyń qatysýymen jol apaty boldy, dep jazady Egemen.kz.
Jol apaty Alataý aýdanynda 14 shilde kúni, saǵat 18: 10-da bolǵan. Borandaı tasjolymen shyǵys baǵytta júrip kele jatqan júk kóligi qatar júrgen Mercedes jáne Kia kólikterine soqtyǵysqan. Onymen qozǵalys qarqyny toqtamaı joldyń qarama-qarsy betine shyǵyp, qoǵamdyq avtobýspen, Subaru kóligimen soqtyǵysqan.
Qalalyq polısııa departamenti jol apatynan 23 adam zardap shegip, medısınalyq kómekke júgingenin habarlady.
Jol apatyna baılanysty tergeý jumystary bastalǵan.