Prezıdenttiń tapsyrmalaryn oryndaý aıasynda Úkimet eldiń tranzıttik áleýetin nyǵaıtý baǵytynda júıeli jumystar júrgizip jatyr. Bul – Qazaqstannyń Shyǵys pen Batys, sondaı-aq Ortalyq Azııa men Ońtústik Azııa arasyndaǵy negizgi logıstıkalyq hab retindegi mártebesin bekemdeýge baǵyttalǵan strategııalyq mańyzdy qadam, dep jazady Egemen.kz.
Premer-mınıstrdiń aıtýynsha, qazirgi ýaqytta Qazaqstan temirjoldarynyń ótkizý qabileti shegine jetken. Sońǵy 5 jyl ishinde tranzıt kólemi jalpy alǵanda 50%-ǵa artqan, al Transkaspıı baǵyty boıynsha 6 ese kóbeıgen. Tek ótken jyldyń ózinde Qytaıdan Eýropaǵa jetkizý kólemi 62%-ǵa ósip, 4,5 mıllıon tonnaǵa jetti. Qazir Memleket basshysynyń tapsyrmasy boıynsha Qytaımen shekaradaǵy ótkizý múmkindikterin keńeıtýge baǵyttalǵan aýqymdy jumys júrgizilip jatyr.
«Bıyl Dostyq-Moıynty temirjol jelisiniń ekinshi joldaryn, Almaty aınalma jolyn paıdalanýǵa beremiz. Kelesi jyly Darbaza-Maqtaral baǵytyn damytamyz. Moıynty-Qyzyljar, Baqty-Aıagóz – osy jobalardyń barlyǵy aldaǵy ýaqytta elimizdiń ótkizý qabiletin 10 mıllıon tonnaǵa deıin arttyrýǵa múmkindik beredi. Bul – úlken ınvestısııany qajet etetin aýqymdy jumys, biraq biz buǵan baramyz. Sebebi, bizde bar básekelik artyqshylyqty joǵaltyp almaýymyz kerek», dedi Premer-mınıstr.
Sondaı-aq, kólik prosesterin sıfrlandyrýǵa erekshe nazar aýdarylyp otyr. TEZ Customs platformasy negizinde Sıfrlyq saýda dálizin engizý tranzıttik deklarasııalardy avtomatty túrde tirkeý jáne rásimdeý ýaqytyn 3 saǵattan 30 mınýtqa deıin qysqartady. Bul tranzıttik aǵyndardyń jedeldigi men tıimdiligine oń áserin tıgizip otyr.