90 jasynda Qazaqstandaǵy akýsherlik jáne gınekologııa salasynyń negizin qalaýshylardyń biri, ataqty dáriger, qoǵam qaıratkeri, akademık Nına Amırovna Kaıýpova dúnıeden ótti, dep habarlaıdy Egemen.kz.
О́ziniń uzaq kásibı jolynda ol 30 myńnan asa náresteniń ómirge kelýine kómektesken. Sonymen qatar, ǵylymǵa da ólsheýsiz úles qosty: 25 ǵylym doktoryn, 40 ǵylym kandıdatyn daıarlap, 19 monografııa men 400-den astam ǵylymı eńbek jazǵan. Sońǵy jyldaryna deıin ǵylymı-zertteý men qoǵamdyq jumysty belsendi atqarǵan.
Nına Kaıýpova – elimizdegi Akýsherlik, gınekologııa jáne perınatologııa ǵylymı ortalyǵyn qurýshylardyń biri. Ol Qazaqstannyń jetekshi medısınalyq mekemelerin basqarǵan, Joǵarǵy Keńes pen Senatta depýtat bolǵan, halyqaralyq konferensııalarǵa qatysyp, áıelder men jastardyń quqyqtaryn qorǵaýǵa baǵyttalǵan zańdardy ázirleýge belsene aralasqan.
Ol «Parasat» jáne II dárejeli «Dostyq» ordenderimen, Prezıdenttiń Beıbitshilik pen rýhanı kelisim úshin Memlekettik syılyǵymen, «Qazaqstannyń eńbek sińirgen qaıratkeri» ataǵymen jáne basqa da marapattarmen, sondaı-aq Almaty qalasynyń Qurmetti azamaty ataǵymen marapattalǵan.