ReConsult jobasy iske qosyldy. Osynyń aıasynda Respublica partııasy men Qazaqstan zańgerler odaǵy azamattarǵa qoldaý kórsetýdi kúsheıtkeli otyr, dep jazady Egemen.kz.
Respublica partııasy Ádiletti Qazaqstan qurýdaǵy júıeli jumysyn jalǵastyryp, azamattar men kásipkerlerdiń zańdy quqyqtaryn qorǵaýǵa den qoıdy. Eske salsaq, ótken jyldyń aqpanynda partııa Qazaqstan zańgerler odaǵymen ózara yntymaqtastyq týraly Memorandýmǵa qol qoıdy. Partııanyń baspasóz qyzmetiniń aqparatyna sáıkes birneshe aı ishinde elimizdiń túkpir-túkpirindegi 628 adamǵa tegin quqyqtyq kómek kórsetilgen. Endi osy seriktestiktiń bir bóligi retinde jańa ReConsult jobasy iske qosyldy. Jobanyń maqsaty - azamattar men kásipkerlerge bilikti jáne aqysyz zań kómegin kórsetý, quqyqtyq saýattylyqty arttyrý jáne qoǵamda quqyqtyq mádenıetti qalyptastyrý.
«ReConsult jobasy tájirıbelik seriktestik pen ortaq jaýapkershiliktiń nátıjesi. Biz memorandýmǵa qol qoıýmen shektelmeı, naqty iske kóshtik. Bul joba myńdaǵan adamǵa naqty quqyqtyq tirek bolady dep senemin. Ádilet ýáde emes, ómirlik shyndyq bolatyn qoǵamdy birge quraıyq!», dedi Respublica partııasynyń Ortalyq apparatynyń basshysy Janat Ysqaqov.