15 shildede Mádenıet jáne aqparat vıse-mınıstri E.Kochetovtyń tóraǵalyǵymen Qazaqstan halqy Assambleıasyn 2030 jylǵa deıin damytý tujyrymdamasynyń jobasyn ázirleýge jaýapty jumys toptarynyń jetekshilerimen jumys keńesi ótti, dep habarlaıdy Egemen.kz.
Mádenıet jáne aqparat mınıstrliginiń baspasóz qyzmetiniń málimdeýinshe kezdesý barysynda tujyrymdamalyq qujattyń mazmundyq aspektileri, qoǵamdyq kelisim men etnosaralyq úılesimdi nyǵaıtý salasyndaǵy strategııalyq basymdyqtar talqylandy. Qatysýshylar bólimder boıynsha usynystaryn bildirip, negizgi ıdeıalarymen jáne tujyrymdamalyq tásilderimen bólisti.
Talqylaý barysynda basty baǵyttar boıynsha ortaq ustanymdar aıqyndalyp, qosymsha zertteýdi jáne naqtylaýdy qajet etetin máseleler belgilendi.
О́z kezeginde, vıse-mınıstr Evgenıı Dmıtrıevıch tujyrymdamanyń tutastyǵyn jáne ony is júzinde qoldanýdyń mańyzdylyǵyn atap ótti, sondaı-aq qujatta qazirgi zamanǵy syn-qaterler men memlekettik saıasattyń basymdyqtary kórinis tabýy qajettigin jetkizdi.
Nátıjesinde, keńes barysynda aıtylǵan usynystardy eskere otyryp, tujyrymdamany odan ári jetildirý týraly sheshim qabyldandy. Atalǵan strategııalyq qujatty ázirleý jumystary salalyq mamandarmen jáne sarapshylar qaýymdastyǵymen tyǵyz ózara is-qımylda jalǵasyp jatyr.