Elimizden eksporttalatyn astyq kólemi 58,4%-ǵa artqan. Bul oń kórsetkish qazaqstandyq astyqtyń syrtqy naryqta joǵarǵy suranysqa ıe ekenin ańǵartyp otyr, dep jazady Egemen.kz.
«Qazaqstan temir joly» ulttyq kompanııasynyń málimetinshe, 2024 jylǵy qyrkúıekten 2025 jylǵy 10 shildege deıin jańa ónim astyǵynyń eksporty 9,3 mln tonnany quraǵan.
Astyqtyń basym bóligi tasymaldanatyn elder qatarynda: О́zbekstan – 3,4 mln tonna (+32,8%), Tájikstan – 1,3 mln tonna (+45,8%), Aýǵanstan – 309 myń tonna (+49,2%), Qyrǵyzstan – 238 myń tonna (+96%), Iran – 974 myń tonna (17,5 esege ósken), Ázerbaıjan – 713 myń tonna (118,8 esege ósken) memleketteri bar.
Astyq eksportynyń artýyna jetkizý geografııasynyń keńeıýi, logıstıkalyq ınfraqurylymdy jańǵyrtý baǵytynda qabyldanyp jatqan sharalardyń tıimdiligi de áser etken.