Atyraýda esirtki qylmysyna qarsy is-qımyl basqarmasy men kınologııalyq qyzmet ortalyǵynyń qyzmetkerleri 52 jastaǵy turǵynnyń qarasora ósirýmen aınalysqanyn anyqtady, dep jazady Egemen.kz.
Polıseılerdiń tekserýi kezinde onyń turǵylyqty mekenjaıyndaǵy saraıdan arnaıy jabdyqtalǵan fıtozerthana tabyldy.
«Fıtozerthanadan salmaǵy 5 kılony quraıtyn 21 túp qarasora (kannabıs) ósimdigi tárkilendi. Qazir atalǵan derekke qatysty Qylmystyq kodekstiń 300-babynyń 1-bóligimen (Esirtki zattaryn zańsyz ósirý) sotqa deıingi tergep-tekserý amaldary bastaldy. Qylmystyq-prosestik kodekstiń 201-babyna sáıkes ózge málimetter jarııalaýǵa jatpaıdy», delingen polısııanyń aqparatynda.