Qazgıdromet málimetinshe, aldaǵy kúnderi 46 gradýsqa deıin ystyq bolady, dep habarlaıdy Egemen.kz.
Qazaqstan aýmaǵynyń basym bóliginde atmosferalyq frontaldy bólikterdiń ótýine baılanysty naızaǵaıly jańbyr kútiledi. 17 shildede – batysta, 18 shildede – soltústik-batysta, 18–19 shildede – soltústikte, 19 shildede – respýblıkanyń ortalyǵynda qatty jańbyr, burshaq jáne daýyldy jel boljanady.
Respýblıka boıynsha jeldiń kúsheıýi kútiledi.
Aldaǵy kúnderi elimizdiń batysy men ońtústik-batysynda óte qatty ystyq 41–44°S deıin, ońtústik-shyǵysynda 42–43°S deıin kútiledi. 17 shildede soltústik-batysta, 18 shildede respýblıkanyń ortalyǵynda 40°S deıingi óte qatty ystyq boljanady. 18–19 shildede elimizdiń ońtústiginde 45–46°S deıin aptap ystyq kútiledi.
Soltústik óńirlerde túngi temperatýra 8–18°S deıin, kúndizgi temperatýra 17–25°S deıin tómendeıdi.