Orta salmaqtaǵy álem chempıony qazaqstandyq Jánibek Álimhanuly (17-0, 12 KO) domınıkanalyq Karlos Adamesti (24-1-1, 18 KO) synǵa aldy, dep habarlaıdy Egemen.kz.
Jánibek pen Adames arasynda áleýmettik jelilerde birazdan beri syrttaı teketires júrip jatyr: qos boksshy bir-birin jekpe-jek uıymdastyrýdan qashyp júr dep aıyptap keledi. Alaıda qos komandanyń áli kúnge deıin ortaq kelisimge kele almaı jatqany baıqalady.
- Qorqaqty kórgender bar ma? Kórseńder, kelisimshartqa qol qoısyn dep aıtyńdar! – dep jazdy Álimhanuly áleýmettik jelidegi paraqshasynda.
Álimhanuly - orta salmaqta WBO jáne IBF chempıony. Al Adameste osy salmaqta WBC tıtýly bar.
Qazaqstandyq boksshy keıingi ret 5 sáýir kúni Astanada judyryqtasyp, fransııalyq Anaýel Ngamıssengeni (14-1, 9 KO) besinshi raýndta tehnıkalyq nokaýtpen jeńgen bolatyn.
Al Adames rıngke sońǵy ret 22 aqpanda shyqty. Ol kezdegi brıtanııalyq Hamza Shırazben (22-0-1, 18 KO) ótken jekpe-jek teń nátıjemen aıaqtalǵan edi.