Úrjar aýdanynyń prokýratýrasy psıhıatr-narkologtyń dıspanserlik esebinde turǵan 62 adamnyń júrgizýshi kýáligin alǵanyn anyqtady, dep jazady Egemen.kz.
Olardyń boıynda kólik tizgindeý kezinde densaýlyǵy men jol qozǵalysyna qaýip tóndiretin aýrýlar bolǵan. Mysaly, 2023 jyly aýdan turǵyny epılepsııadan zardap shekse de, kóliktiń tizginine otyrǵan. Ol adam kóp júretin qıylysta esinen tanyp qalǵan. Osy jaǵdaıdyń nátıjesinde eki kólik zaqymdanyp, jolaýshylardyń biri ortasha dene jaraqatyn alǵan. Aýdan prokýrorynyń usynysymen polısııa organdary júrgizýshi kýálikteriniń jaramdylyǵyn toqtatý týraly sotqa ótinishpen júgingen. Budan bólek, prokýratýra aýdandaǵy psıhıatr-narkologtyń esebinde turǵan azamattar týraly aqparatty polısııaǵa berip, olardyń júrgizýshi kýálikterinen jáne qarý ustaýǵa ruqsatynan aıyrý sheshimin qabyldaǵan.