Shyńjań-Uıǵyr avtonomııalyq aýdanynyń attas ýezinde ornalasqan «Szımýnaı» ótkizý beketi arqyly osy jyly Qytaı-Qazaqstan qatynaǵan jolaýshylar aǵyny 49 myńnan asqan. Mundaı málimetti Qytaı tarapynyń shekara qyzmeti habarlaǵan, dep jazady Egemen.kz.
15 shildedegi aqparat boıynsha, jartyjyldyqta atalǵan shekara beketinen 12 myń kólik ótken.
Qytaılyq týrıstik agenttikterdiń biriniń menedjeri Iаn Chýn Qazaqstanǵa 1 kúnnen 30 kúnge deıin sozylatyn túrli týrıstik marshrýttardy usynatyn kompanııany basqarady. Onyń kompanııasy osy jyldyń mamyr-maýsym aılarynda 28 kólikti paıdalanyp, avtotýrıster úshin týrlar uıymdastyrǵan.
Transshekaralyq týrıstik serpilis 2023 jyldyń qarashasynda kúshine engen Qytaı men Qazaqstan arasyndaǵy ózara vızasyz rejımdi engizýmen baılanysty bolyp otyr.
Sınhýa agenttiginiń málimetinshe, Shyńjań-Uıǵyr avtonomııalyq aýdanynyń mádenıet, sport, radıo, televıdenıe jáne týrızm bólimi Qytaı men Qazaqstannyń týrıstik resýrstaryn biriktiretin jańa transshekaralyq týrıstik ónimderdi ázirleý úshin jumys istep jatyr.
«Bul Shyńjańǵa baratyn saıahatshylarǵa «Szımýnaı» porty arqyly Qazaqstanǵa da kirýge múmkindik beredi», dedi bólim qyzmetkeri Lıý Shýrong.