Azyq-túlik óndirisine mańyz berildi

Keshe Premer-Mınıstrdiń birinshi orynbasary Baqytjan Saǵyntaev keńes ótkizip, onyń barysynda Memleket basshysynyń tapsyrmalaryn eskere otyryp, 2014-2015 jyldarǵa arnalǵan aýylsharýashylyq ónimderin óńdeý jáne azyq-túlik ónerkásibin damytý jónindegi keshendi jospardy júzege asyrý men kókeıkestilendirý máseleleri qaraldy, dep habarlady Premer-Mınıstrdiń baspasóz qyzmeti. Keńes jumysyna ortalyq memlekettik organdardyń, «Ata­meken» ulttyq kásipkerler palatasynyń, «QazAgro» UBH-nyń, «Damý» qorynyń, «QDB» AQ-tyń basshylary qatysty. Talqylaý qorytyndysy boıynsha Baqytjan Saǵyntaev Aýyl sharýa­shylyǵy, Investısııalar jáne damý mını­strlikterine «Atameken» UKP-men birlesip aýylsharýashylyq ónimderin óń­deý salasyndaǵy basym jobalardyń kar­tasyn ázirlep qalyptastyrýdy tapsyrdy. Eske sala keteıik, ústimizdegi jyl­dyń 11 aqpanynda Úkimettiń keńeı­tilgen otyrysynda Pre­zıdent N.Á.Na­zarbaev álem­dik ekonomıkadaǵy jańa ómir shyndyǵyn eskere kelgende aýyl­sharýashylyq ónimderin óńdeý men azyq-túlik ónerkásibin damytý sheshýshi baǵyt bolatyndyǵyn atap kórsetti. Osy turǵyda Úkimetke 2013-2014 jyldary bastalǵan AО́K sýbektilerin qarjylaı saýyqtyrý jónindegi jumystardy odan ári jalǵastyrý tapsyrylǵan bolatyn.