Búgin Astanadaǵy «Bıg Shanhaı» bazarynda órt shyqty. Osy oqıǵaǵa baılanysty arnaıy shtab quryldy, dep jazady Egemen.kz.
Shtabta Tótenshe jaǵdaılar departamenti, polısııa departamenti, ákimdiktiń, ınvestısııalar jáne kásipkerlikti damytý basqarmasynyń ókilderi, bank qyzmetkerleri, salyq organdary jáne bazar ákimshiligi kezekshilik etedi. Shtab aıasynda «Bıg Shanhaı» bazarynyń zardap shekken jalǵa alýshylary, kásipkerleri jáne jumysshylary bıznesin qalpyna keltirý, jaldaý, salyqtyq jáne banktik mindettemeler boıynsha keńes ala alady.
Qazirgi ýaqytta kásipkerlerdiń salyq tólemderi men banktik mindettemelerin keıinge shegerý máselesi qarastyrylyp jatyr. Saýda ornyndaǵy órtten zardap shekken kásipkerlerdiń tizimi bankter men qarjy uıymdaryna jiberilip, qoldaý sharalaryn ary qaraı qaraý josparlanyp otyr.
«Bıg Shanhaı» bazarynyń dırektorynyń aıtýynsha, aldaǵy birneshe kún ishinde zardap shekken barlyq kásipkerge balamaly saýda oryndaryn usyný máselesi sheshiledi.
Shtab «Anuar» sýpermarketiniń 3-qabatynda, Alash tasjoly, 30a mekenjaıynda ornalasqan. Aqparat jáne keńes alý úshin koll-ortalyq jumys isteıdi: «Bıg Shanhaı» bazarynyń ákimshisi:+7 778 141 83 13, Toǵjan.
Astana qalasynyń ákimdigi kásipkerlerdiń tek resmı shtabqa júgingeni jón ekenin, sebebi barlyq naqty ári shynaıy aqparat sonda aıtylatynyn habarlady.