Jýaly aýdanyna qarasty Shaqpaqata aýylynda zamanaýı úlgidegi shaǵyn fýtbol alańy paıdalanýǵa berildi, dep habarlaıdy Egemen.kz
Aýyldyń ortalyq kóshesinde ornalasqan bul sport nysany jasandy tósenishpen jabdyqtalyp, túngi ýaqytta da sportpen shuǵyldanýǵa múmkindik beretin jaryq shamdarymen qamtamasyz etilgen.
Alańnyń ashylýy – aýyldyq jerlerde buqaralyq sportty damytýǵa baǵyttalǵan naqty qadamdardyń biri. Jergilikti turǵyndardyń aıtýynsha, bul nysan aýyl balalary men jastar úshin paıdaly ári qaýipsiz orta qalyptastyryp, bos ýaqytty tıimdi ótkizýge jol ashyp otyr.
«Osyndaı zamanaýı úlgide fýtbol alańshasy salynǵanyna qýanyshtymyz. Jastar bos ýaqytyn tıimdi paıdalanyp, sportpen jıi shuǵyldanatyn boldy. Jalpy, aýylymyzda halyqqa paıdasy tıetin áleýmettik nysandar kóptep salynýda» – deıdi aýyl turǵyny Pernebek Berdimbetov.
Fýtbol alańynyń qurylysyn «Sıtı qurylys» JShS júrgizgen. Jańa alańnyń ashylý saltanatyna oraı aýyl jastary arasynda shaǵyn fýtboldan týrnır uıymdastyrylyp, jeńimpaz komandalarǵa syılyqtar tabys etildi.
Jambyl oblysy