Qazaqstan quramasy álemdik deńgeıdegi zııatkerlik saıystarda joǵary nátıjeler kórsetýdi jalǵastyrýda, dep habarlaıdy Egemen.kz.
Qazaqstandyq oqýshylar álemdegi eń bedeldi matematıkalyq olımpıadada alty medal jeńip aldyFoto: Oqý-aǵartý mınıstrligiAýstralııada ótken mektep oqýshylaryna arnalǵan eń bedeldi pándik olımpıadalardyń biri – Matematıkadan halyqaralyq olımpıadada (International Mathematical Olympiad, IMO-2025) otandyq oqýshylar alty medal jeńip aldy.
Bıyl olımpıadaǵa 112 elden 650-ge jýyq úzdik jas matematık qatysty. Qazaqstan quramasy taǵy da úzdikter qatarynan kórinip, tórt kúmis jáne eki qola medal ıelendi.
II oryn – Mıron Iýrkevıch, Almaty qalasyndaǵy Haileybury Almaty mektebiniń 12-synyp oqýshysy; II oryn – Amırlan Amanjolov, Almaty qalasyndaǵy Haileybury Almaty mektebiniń 11-synyp oqýshysy; II oryn – Marǵulan Sharel, Astana qalasyndaǵy Spectrum International School mektebiniń 11-synyp oqýshysy; II oryn – Amır Sahıpov, Almaty qalasyndaǵy RFMM mektebiniń 11-synyp oqýshysy; III oryn – Erasyl Altynbek, Almaty qalasyndaǵy Nurorda mektebiniń 10-synyp oqýshysy; III oryn – Erqanat Kenshilik, Aqtóbe oblysyndaǵy "Bilim-ınnovasııa" lıseı-ınternatynyń 11-synyp oqýshysy.Ulttyq quramanyń ǵylymı jetekshileri – PhD doktory Asylbek Isahov pen halyqaralyq olımpıadalardyń jeńimpazy Kanat Satylhanov.
Oqýshylarymyzdy, olardyń ustazdary men ata-analaryn laıyqty jeńisimen jáne olımpıadalyq maýsymnyń tabysty jalǵasýymen shyn júrekten quttyqtaımyz!
Anyqtama úshin: IMO olımpıadasy 1959 jyldan beri ótkizilip keledi jáne ol álemdegi eń bedeldi jeti pándik olımpıadanyń qataryna kiredi (International Science Olympiads). Qazaqstan bul jarysqa 1993 jyldan beri qatysyp keledi. Osy ýaqyt ishinde ulttyq qurama 16 altyn, 55 kúmis, 81 qola medal jáne 29 qurmet gramotasyn jeńip alǵan.