Keshe Senat Tóraǵasy Qasym-Jomart Toqaev palata bıýrosynyń otyrysyn ótkizdi jáne Qazaqstan Respýblıkasy Prezıdentiniń merziminen buryn saılaýyn ótkizý týraly Qazaqstan halqy Assambleıasy Keńesiniń úndeýi týraly máseleni 2015 jylǵy 19 aqpanda bolatyn palatanyń kezekti otyrysynyń kún tártibine engizýdi usyndy, dep habarlady Senattyń baspasóz qyzmeti.
Senatorlar otyrys barysynda Qazaqstan men О́zbekstan Úkimetteri arasyndaǵy Adamdardyń readmıssııasy týraly kelisimdi jáne Adamdardyń readmıssııasy týraly kelisimdi iske asyrý tártibi týraly atqarý hattamasyn ratıfıkasııalaý týraly jáne Keden odaǵyna múshe memleketter bolyp tabylmaıtyn, Táýelsiz Memleketter Dostastyǵyna qatysýshy memlekettermen ózara saýdadaǵy tehnıkalyq kedergilerdi joıý týraly Keden odaǵyna múshe memleketterdiń kelisimin ratıfıkasııalaý týraly zań jobalaryn; «Balalardy densaýlyǵy men damýyna zardabyn tıgizetin aqparattan qorǵaý týraly» zań jobasy men oǵan ilespe qujatty; zańnamaǵa densaýlyq saqtaý máseleleri boıynsha túzetýlerdi (birinshi oqylym); qoldanystaǵy zańnamaǵa zııatkerlik menshik salasyn quqyqtyq retteý máseleleri boıynsha ózgerister men tolyqtyrýlar engizý týraly zań jobasyn (ekinshi oqylym) qaraýdy josparlady.
Bıýro otyrysynda Májilisten túsken zań jobalary bólinip berildi. Ekonomıkalyq saıasat, ınnovasııalyq damý jáne kásipkerlik komıteti «Eýrazııalyq ekonomıkalyq komıssııanyń básekelestiktiń biryńǵaı qaǵıdalarynyń saqtalýyn baqylaý jónindegi ókilettikterdi júzege asyrýy kezinde qupııa aqparatty qorǵaý tártibi jáne ony jarııa etkeni úshin jaýaptylyq týraly kelisimdi ratıfıkasııalaý týraly» zań jobasyn odan ári pysyqtaıtyn boldy.