Eurasian Resources Group S.a.r.l. (ERG) jáne «Bank VTB» AAQ ózderiniń tabysty yntymaqtastyǵyn keńeıtýde. XIX Sankt-Peterbýrg halyqaralyq ekonomıkalyq forýmynyń aıasynda ERG S.a.r.l. menedjerler keńesiniń tóraǵasy Aleksandr Mashkevıch pen «Bank VTB» AAQ prezıdentiniń birinshi orynbasary, basqarma tóraǵasy Iýrıı Solovev ózara túsinistik jáne yntymaqtastyq týraly kelisimge qol qoıdy.
Taraptar ózara tıimdi uzaq merzimdi strategııalyq yntymaqtastyqty damytý týraly kelisimge qol jetkizdi. Bul eki taraptardyń bir-birine joǵary senimi men sońǵy jyldarda birge júrgizgen jumystarmen qanaǵattanýdyń arqasynda múmkin boldy.
Qujattyń negizgi tarmaqtarynyń biri ERG mindettemeleri boıynsha tólem kestesin 2021 jylǵa deıin uzartý múmkindigi bolyp tabylady. Taraptar osy máseleni qaraýdy búginnen bastap eki aı ishinde aıaqtaýǵa nıettenýde. ERG tabıǵı resýrstardy óndirý jáne óńdeý salasyndaǵy álemdegi eń iri kompanııalardyń biri, ınvestısııalyq jáne qarjylyq qyzmet salasynda qarjylyq jáne konsýltasııalyq qyzmetterdiń keń aýqymdaǵy jańa tehnologııalarymen ózin ózi qamtamasyz etýge qabiletti. «Bank VTB» AAQ ERG Tobyna jańa ónimder men odan ári jedel qyzmet kórsetýdi jaqsartýǵa baǵyttalǵan tehnologııalardy jedel usynýǵa daıyn ekendigin bildirdi.
Aleksandr Mashkevıch atap ótkendeı:
– Bank VTB Eurasian Resources Group kompanııasynyń burynnan beri strategııalyq áriptesi. Bul qujatqa qol qoıý – bizdiń ózara tıimdi jáne áserli yntymaqtastyǵymyzdyń dáleli. Kelisimder ERG damý strategııasyn júzege asyrýdy jalǵastyrýǵa jáne álemdik naryqtarda qubylmalylyq kezeńdi tabysty etýge múmkindik beredi. ERG Group únemi óz ustanymdaryn nyǵaıtý úshin jumys isteıdi jáne josparlanǵan qadam, sózsiz, bizdiń barlyq múddeli taraptarymyzǵa jaqsy jańalyq bolady.
Al bul oraıda Iýrıı Solovev bylaı dedi:
– Taý-ken sektorynyń kompanııalarymen jumys isteý VTB úshin basty basymdyqtarynyń biri. Búgingi kelisim ERG Tobymen jumysymyzdyń múmkindikterin aıtarlyqtaı keńeıtedi. Biz ózara qarym-qatynastarymyzdy jaqsy maǵynada qaıta qurylymdaımyz, sonymen birge, olardy uzartý arqyly jumys isteımiz. Men VTB-men ERG tyǵyz yntymaqtastyǵy arqyly, onyń naryǵyndaǵy kóshbasshylardyń biri bolyp qalýǵa múmkindik beredi dep senemin.
«Egemen-aqparat».