Qazaqstandy velosıpedpen aralap júrgen 71 jastaǵy saıahatshy, temirjol salasynyń ardageri Jumabaı Otarǵalıev Jezqazǵan qalasyna aıaldady. Ol Jezqazǵan joǵary polıtehnıkalyq kolledjiniń materıaldyq-tehnıkalyq bazasymen tanysyp, stýdent jastarmen júzdesti, dep habarlaıdy Egemen.kz.
Jumabaı Otarǵalıev bala kúninen sportty serik etken. Qazirgi tańda ol elimizdiń túkpir-túkpirin aralap, jas býynǵa salaýatty ómir saltyn nasıhattap keledi.
Bul jolǵy sapary – Abaı Qunanbaıulynyń 180 jyldyǵy men Qazaqstan halqy Assambleıasynyń 30 jyldyǵyna arnaldy. Oral qalasynan shyqqan velosherýshi Jıdebaıǵa deıingi baǵytta júrip ótip, ult uıasy – Ulytaýǵa aıaldady.
«El aralap, jer kórý – bala kúngi armanym edi. Velosıpedpen alǵash ret 2017 jyly saparǵa shyqtym. Sodan beri 100-den asa eldi mekende boldym», deıdi velosherýshi.
Qatardaǵy zeınetker 49 myń teńgege alǵan velosıpedimen birneshe jyldan beri myńdaǵan shaqyrymdy artqa tastap keledi. Shalqardan Aqtóbege deıingi alǵashqy sapary 4-5 kúnge sozylypty. Sodan beri velosıpedin serik etip, el aralap keledi.
Ulytaý oblysy