Premer-mınıstr Oljas Bektenov búgingi Úkimet otyrysynda Prezıdent tapsyrmalaryna sáıkes Úkimet jumysynyń basym baǵyttarynyń biri resýrstyq bazany keńeıtý ekenin atap ótti, dep jazady Egemen.kz.
Bıyl paıdaly qazbalar resýrsyn izdeýge Úkimet 30 mlrd teńge baǵyttaıdy.
«Jer qoınaýyn geologııalyq barlaý kólemin arttyrý úshin bıyldan bastap qarjylandyrý kólemin edáýir ulǵaıtamyz. Biz jer qoınaýyn paıdalaný quqyqtaryn berý boıynsha aýksıondardan túsetin bonýstardyń qarajattaryn geologııany damytýǵa baǵyttaý týraly sheshim qabyldadyq. Bıyl bul soma keminde 30 mlrd teńgeni quraıdy. Atalǵan qarjy kólemi áli de arta túsetin bolady. Qazirgi ýaqytta tıisti esepteýler júrip jatyr», dedi Oljas Bektenov.
Sondaı-aq premer - mınıstr ónerkásiptik qýattardy jańartý máselesine de toqtalyp, taý-ken metallýrgııa kesheniniń basymdyqtaryn belgilep berdi.
«Metallýrgter men kenshilerdiń eńbek qaýipsizdigin kúsheıtý baǵytynda aýqymdy jumystar atqarylyp jatyr. О́nerkásip, ekologııa, tótenshe jaǵdaılar mınıstrlikteri iri taý-ken metallýrgııa kásiporyndarymen birlesip, qoldanystaǵy óndiristerdi jańǵyrtýdy, jańa tehnologııalardy engizýdi jáne eńbek qaýipsizdigi deńgeıin arttyrýdy qamtamasyz etýi qajet», dedi Úkimet basshysy.