О́ńir dıqandary sýarý maýsymy bastalǵaly 24 mln tekshe metrden astam sý alǵan. Bıyl «Qazsýshar» RMK-nyń Shyǵys Qazaqstan oblysyndaǵy fılıaly sharýalarmen sýarmaly sýdy jetkizý boıynsha 490-nan astam kelisimshart jasasqan, dep habarlaıdy Egemen.kz.
Búginde óńir boıynsha 5 815,7 gektar egistik alqapqa sý berilip otyr.
«Qazsýshar» RMK-nyń atalǵan oblys boıynsha fılıal dırektory Nurjan Ámirjanovtyń aıtýynsha fılıal 7 jańa arnaıy tehnıka alǵan, jyl sońyna deıin qalǵan 13 tehnıka jetkizilmek.
«Jańa tehnıkalar kanaldardy mehanıkalyq ádispen tazartý jumystaryna paıdalanylyp jatyr. Jańa ekskavatorlardyń kómegimen uzyndyǵy shamamen 55,3 shaqyrym bolatyn kanaldar tazartyldy. Búginde barlyq jumysshy men tehnıka sýarý kanaldary men sý jetkizý jumystaryna jumyldyrylǵan», dedi N.Ámirjanov.