Energetıka mınıstri Erlan Áýkenjanovtyń málimdeýinshe, aldaǵy jyly Qazaqstan Baký–Tbılısı–Jeıhan (BTJ) qubyry arqyly eksporttalatyn munaı kólemin 1,5 mıllıon tonnaǵa deıin arttyrýdy josparlap otyr. Bul týraly ol Grýzııanyń ekonomıka jáne turaqty damý mınıstri Marıam Kvırıvıshvılımen kezdesý barysynda aıtty, dep jazady Egemen.kz.
Mınıstrdiń deregine sáıkes, 2024 jyly osy baǵytpen 1,4 mıllıon tonna qazaqstandyq munaı syrtqa shyǵarylǵan.
Kezdesý aıasynda taraptar Grýzııa baǵytynyń strategııalyq mańyzyn, Batýmı portyn damytý máselelerin jáne jasyl energetıka salasyndaǵy yqtımal áriptestikti talqylady. Sonymen qatar, Transkaspıı energetıkalyq dálizin júzege asyrý jáne Qara teńiz arqyly ótetin kabel jobasyna qatysty yntymaqtastyq perspektıvalary nazarǵa alyndy.