Bul kórsetkish ótken jylmen salystyrǵanda 600 myń adamǵa kóp. Sonymen qatar, bul elden ketken sheteldikter sanyna qaraǵanda 300 myńǵa artyq. Bul týraly Úkimet otyrysynda ishki ister mınıstriniń birinshi orynbasary Baýyrjan Álenov málimdedi, dep habarlaıdy Egemen.kz.
Onyń aıtýynsha, elge kelgen sheteldikterdiń 90 paıyzy – Táýelsiz Memleketter Dostastyǵyna (TMD) múshe elderdiń azamattary. Eń kóp kelýshiler О́zbekstannan (2,8 mln adam), Qyrǵyzstannan (1,7 mln adam) jáne Reseıden (1,5 mln adam) tirkelgen.
Qazirgi tańda elimizde turaqty tirkeýde turǵan shetel azamattarynyń sany 212 myńǵa jetken. Bul kórsetkish 2022 jylmen salystyrǵanda 42 paıyzǵa artqan. Atap aıtqanda, 2022 jyly 148 myń sheteldik tirkelse, 2025 jyly bul kórsetkish 212 myńǵa ósken.
Shetel azamattarynyń eń kóbi Almaty qalasynda (42 myń), Almaty oblysynda (32 myń) jáne Astana qalasy men Qaraǵandy oblysynda (árqaısynda 17 myńnan astam) tirkelgen.
Sondaı-aq, úkimet otyrysynda vıza alý tártibi jeńildetilgeni aıtyldy. Qazirgi tańda 87 eldiń azamattary Qazaqstanǵa vızasyz kire alady. Al 107 eldiń azamattary úshin elektrondy vıza rásimdeý qoljetimdi. Sońǵy ýaqytta 9 myńnan astam elektrondy vıza berilip, memleket bıýdjetine 270 mıllıon teńge túsken.