Qazaqstan Respýblıkasy pasportynyń jańa úlgisinde qar barysynyń beınesi paıda bolady. Bul týraly Úkimet otyrysynda ishki ister mınıstriniń birinshi orynbasary, mınıstr mindetin atqarýshy Baýyrjan Álenov málimdedi, dep jazady Egemen.kz.
Baýyrjan Álenovtyń aıtýynsha, Ishki ister mınıstrligi ulttyq pasporttyń qorǵalý deńgeıin arttyrý baǵytynda jumys júrgizip jatyr.
«Búginde Qazaqstan azamattary 43 elge vızasyz bara alady. Bizdiń pasport barlyq halyqaralyq standarttarǵa sáıkes keledi jáne qajetti qorǵanys elementterimen jabdyqtalǵan. Qazir qosymsha qorǵanys deńgeılerin engizý máselesi qarastyrylyp jatyr», dedi ol.
Mınıstr mindetin atqarýshynyń baıandamasy kezinde jańa pasporttyń beınesi kórsetilgen prezentasııa usynyldy. Onda jıi memlekettik rámizderde, sport klýbtarynyń emblemalarynda jáne túrli uıymdardyń logotıpterinde beınelenetin qar barysynyń sýreti kórinis tapqan.