Jetisý oblysynda bıyl 2,2 mln tonna jem-shóp daıyndaý josparlanyp otyr. Onyń ishinde 1,2 mln tonna shóp, 341 myń tonna saban, 117 myń tonna pishendeme, 203 myń tonna súrlem jáne 307 myń tonna jemdik astyq qamtylmaq, dep jazady Egemen.kz.
Mal azyǵy daqyldarynyń egis kólemi – 92,5 myń gektar. Qazirgi kúnge deıin óńirde 994 myń tonna mal azyǵy jınaldy. Atap aıtqanda, 82,8 myń gektar kópjyldyq shóptiń birinshi shabyndyǵy aıaqtalyp, ekinshi shabyn júrip jatyr. Birjyldyq shóp – 7 myń gektar, tabıǵı shabyndyq – 107 myń gektar kóleminde oryldy. 76 myń tonna saban, 15 myń tonna jem jáne 786 myń tonna shóp daıyndaldy. Sonymen qatar, 117 myń tonna pishendeme basyldy.
Oblystaǵy maldy qysqa daıyndaý úshin 2,89 mln tonna jem-shóp qajet. Onyń 653,4 myń tonnasy – ótken jyldan qalǵan qor. Aýyldarda shóp daıyndaý jumystary qarqyndy júrýde.