Jetisý oblysynda bıyl aýyl sharýashylyǵy daqyldary 510,7 myń gektarǵa egildi. Onyń 200,2 myń gektary sýarmaly alqap. Egistik 6 sý qoımasy men 12 ózen arqyly sýarylady. Qazir qoımalar orta eseppen 45%-ǵa tolyp, sýarý rejıminde jumys istep tur, dep jazady Egemen.kz.
Aýa raıynyń ystyq bolýyna baılanysty ózenderdegi sý kólemi azaıǵanymen, sharýashylyqtarǵa qajetti sý jetkizilip, daqyldar úshinshi ret sýarylyp jatyr.
Oblysta sý únemdeý tehnologııalaryn engizý qarqyndy júrýde. 2025 jyly mundaı ádister 55,2 myń gektarǵa deıin jetkizilmek. Búginde 35,9 myń gektarǵa engizilse, onyń 13,3 myń gektary tamshylatyp, 22,6 myń gektary jańbyrlatyp sýarýǵa negizdelgen.
Sonymen qatar 4,8 myń gektar alqapqa sýdy 30%-ǵa deıin únemdeıtin dıskrettik tásil engizildi. Bul qarapaıym ári tıimdi ádisti sharýalar belsendi túrde qoldana bastady.