Shilde aıynda Aqtóbe oblysynda motokólik jáne moped júrgizýshilerine qatysty reıdtik tekserister kezinde 200-den astam ákimshilik quqyqbuzýshylyq anyqtalǵan, dep jazady Egemen.kz.
Taratyp aıtqanda, 132 moped ıesiniń júrgizýshilik kýáliginiń bolmaýy, 16 jaǵdaıda qorǵanys bas kıiminiń joqtyǵy jáne 102 motokóliktiń memlekettik tirkeýge alynbaǵany anyqtaldy, dep habarlaıdy egemen.kz.
Polısııa qyzmetkerleri zańbuzýshylyqtarǵa jol bergen motokólikter men moped júrgizýshilerine jol qaýipsizdigi erejelerin saqtaýdy eskertti.
Jalpy reıd barysynda qala kóshelerinde júrgen osy sanattaǵy 700-den astam kólik quraldary tekseristen ótti.
Aqtóbe oblysynyń polısııa departamenti jaıaý júrginshilerden bastap avtokólik jáne motokólik júrgizýshilerin de jol qaýipsizdigi erejelerin qatań saqtaýǵa shaqyrady. Mopedterdiń qala kóshelerindegi qozǵalysyn baqylaý jáne apatty jaǵdaılardyń aldyn alýǵa baılanysty profılaktıkalyq sharalar jazdyń sońyna deıin jalǵasady.
Aqtóbe oblysy.