AQSh prezıdenti Donald Tramp Japonııamen jańa saýda kelisimine qol jetkizilgenin jarııalady. Onyń aıtýynsha, bul kelisim aıasynda japon taýarlaryna 15 paıyzdyq baj salyǵy engiziledi, dep habarlaıdy Egemen.kz BBC-ge silteme jasap.
Aıta keteıik, buǵan deıin Tramp eger taraptar mámilege kelmese, 1 tamyzdan bastap Japonııaǵa 25 paıyzdyq baj salyǵyn engizetinin aıtyp, eskertý jasaǵan bolatyn.
«Jańa ǵana Japonııamen úlken mámile jasadyq, bul tarıhtaǵy eń iri kelisim bolýy múmkin», dep jazdy Tramp óziniń Truth Social áleýmettik jelisindegi paraqshasynda.
Tramptyń aıtýynsha, jańa kelisim aıasynda Japonııa AQSh-qa 550 mıllıard dollar kóleminde ınvestısııa salatyn bolady. Sondaı-aq ol AQSh bul kelisimnen paıdany 90 paıyz kóleminde alatynyn málimdedi, alaıda qosymsha málimetterdi usynbady.
О́z kezeginde Japonııanyń premer-mınıstri Sıgerý Isıba Tramptyń málimdemesine qatysty pikir bildirýden bas tartqan. Ol aldymen kelisimniń naqty mazmunymen tanysý qajet ekenin aıtty.
«Kelissóz qorytyndylaryn baǵalaýǵa keletin bolsaq, biz kelissózder men kelisimniń egjeı-tegjeılerin muqııat zerttemeıinshe, ony talqylaı almaımyn», dedi Isıba Tokıoda ótken baspasóz máslıhatynda.