Memleket basshysy medısına qyzmetkerlerine shabýyl jasap, kúsh qoldanyp jáne qatygezdik tanytqan áreketterge qatysty jazany qatańdatý maqsatynda ulttyq zańnamaǵa ózgerister engizý týraly Parlament depýtattarynyń, densaýlyq saqtaý salasy ókilderiniń jáne belsendi azamattardyń usynysyn qoldady, dep habarlaıdy Egemen.kz Aqordanyń baspasóz qyzmetine silteme jasap.
«Dárigerlerdiń densaýlyǵyna nuqsan keltirip, ómirine qaýip tóndiretin mundaı keleńsizdikterge «Zań jáne tártip» qaǵıdatyna sáıkes quqyqtyq turǵyda batyl túrde tosqaýyl qoıylýy kerek», delingen habarlamada. Prezıdent Úkimetke tıisti zańnamalyq túzetýler ázirleýdi tapsyrdy. Bul bastama Parlamentte azamattyq qoǵam ókilderimen birge talqylanady.