Bas prokýratýra men Ishki ister mınıstrliginiń qyzmetkerleri Qazaqstannyń Ázerbaıjandaǵy Elshiliginiń kómegimen asa aýyr qylmystar, onyń ishinde adam óltirý men qaraqshylyq jasaǵany úshin izdeýde júrgen Qazaqstan azamatyn Ázerbaıjannan ekstradısııalady, dep jazady Egemen.kz.
О́tken jyldyń qazanynda kúdikti basqa adammen birigip, tanys kásipkerdi kezdesýge aldap shaqyrǵan. Kezdesý barysynda ony esinen tanǵanǵa deıin uryp-soǵyp, jalpy quny 40 mln teńgege jýyq múlkin ıemdengen. Keıin Almaty qalasynyń syrtyna alyp shyǵyp, óltirgen.Kúdiktilerdiń biri izin sýytpaı ustalǵan bolatyn. Al ekinshisi jasyrynyp, oǵan halyqaralyq izdeý jarııalanǵan.Osy jyldyń qańtarynda ol Ázerbaıjan aýmaǵynda ustalyp, Qazaqstan Bas prokýratýrasynyń suraýy boıynsha elge ekstradısııalandy.Qazirgi ýaqytta ol tergeý ızolıatoryna qamalǵan.Osy qylmys úshin aıyptalýshynyń múlki tárkilenip, 20 jylǵa deıingi merzimge bas bostandyǵynan aıyrý nemese ómir boıyna bas bostandyǵynan aıyrý túrindegi jazalar kózdelgen.