О́SKEMEN. 6 mamyr. Qazaqstan Respýblıkasy Prezıdenti Nursultan Nazarbaevtyń Qaýlysyna sáıkes, memleketke sińirgen eńbegi, belsendi qoǵamdyq qyzmeti úshin jáne 1941-1945 jyldardaǵy Uly Otan soǵysyndaǵy Jeńistiń 70 jyldyq mereıtoıyna oraı shyǵysqazaqstandyq ardagerler memlekettik nagradalarmen marapattaldy. Bul týraly egemen.kz tilshisi habarlady.
Shyǵys Qazaqstan oblysynyń ákimi Danıal Ahmetov Uly Otan soǵysynyń ardagerleri men olarǵa teńestirilgen tulǵalarǵa jáne maıdanda mert bolǵandardyń rýhyn jańǵyrtý jumystaryna úles qosqan ardagerlik uıymdardyń múshelerine saltanatty túrde memlekettik nagradalardy tapsyrdy.
Atap aıtqanda, Georgıı Gýdkov, Konstantın Gýslev, Salıh Sabılıanov, Grıgorıı Severýshenkov, Toktaǵazy Tleýbaev, Anatolıı Korotkov «Qurmet» ordenimen marapattaldy. Ordenge ıe bolǵandardyń beseýi Lenıngradty, Belorýssııany, Kýrsk doǵasyn jáne Japonııany azat etýge qatysqan soǵys ardagerleri bolsa, Anatolıı Korotkov Lenınogorsk kombınatynda 38 jyl eńbek etken tyl ardageri. Sondaı-aq, Japonııany azat etý urystaryna qatysqan soǵys ardageri Eleýsiz Qınbaev jáne tyl ardagerleri Klavdııa Gavrılko men Marııa Kolmakova «Eren eńbegi úshin» medaldarimen marapattalsa, Qazaqstan Respýblıkasynyń Qurmet gramotasy tyl ardagerleri Maıra Baǵdatova men Tóken Bulqanovqa jáne memlekettik qyzmetke shırek ǵasyr ǵumyryn arnaǵan Tóleýhan Ábilqasymovqa tabystaldy.
«Ardagerler – elimizdiń maqtanyshy. Búgingi beıbit zaman sizderdiń arqalaryńyzda ornady. Erlikterińiz ben el úshin etken eńbekterińiz – bolashaqqa qadam basqan jas urpaqqa shamshyraq ispetti qyzmet eteri sózsiz. Barshańyzǵa zor densaýlyq tileımin», dedi D.Ahmetov.
Uly Otan soǵysy jyldary Shyǵys Qazaqstannan maıdan dalasyna 170 myń adam attanyp, onyń 96 myńy oralmaǵan eken. 109 jaýynger men ofıser Keńes Odaǵynyń Batyry ataǵyna ıe bolsa, 22 shyǵysqazaqstandyq eń joǵarǵy sarbaz nagradasy – «Qurmet» ordeniniń tolyq kavaleri ataǵyna ıe bolǵan. Sondaı-aq, oblystyń 9 myń tyl ardageri «Uly Otan soǵysyndaǵy eren eńbegi úshin» medalimen marapattalǵan. Búginde oblysta 579 Uly Otan soǵysynyń ardageri men 27 468 tyl ardageri bar. Shyǵysqazaqstandyq ardagerlerge barlyq bıýdjet kózderinen 500 myń teńge kóleminde bir mezettik aqshalaı tólem tabys etildi. Sonymen qatar, oblystyq bıýdjet esebinen shıpajaılar men demalys oryndaryna tegin joldama beriledi.
Dýman Anash.
Derek: egemen.kz
Cýret: Shyǵys Qazaqstan oblystyq Aqparattyq ortalyǵy.