Úkimet úıinde ótken baspasóz máslıhatynda áleýmettik saladaǵy Prezıdent tapsyrmalaryn oryndaý barysy talqylandy. Sharaǵa vıse-premer Ermek Kósherbaev pen salalyq mınıstrlikterdiń ókilderi qatysty, dep habarlaıdy Egemen.kz.
Oqý-aǵartý mınıstri Ǵanı Beısembaev elimizdegi birqatar mektepterdiń lısenzııasyz jumys istegeni týraly suraqqa jaýap berdi.
Mınıstrdiń aıtýynsha, bilim berý mekemeleri oqýshylarǵa sapaly bilim men qolaıly orta usynýy úshin mindetti túrde lısenzııamen jumys isteýi tıis. Bul talap jergilikti bılikke turaqty túrde eskertilip keledi.
«Qazirgi tańda lısenzııasyz jumys istegen 66 mekteptiń 18-i ǵana qaldy. Olardy jańa oqý jylyna deıin qalypqa keltirý úshin jergilikti atqarýshy organdar tıisti sharalar qabyldap jatyr. Jyl saıyn 200-den astam jańa mektep ashylady», dedi Ǵanı Beısembaev.
Onyń aıtýynsha, keıbir jaǵdaıda ákimdikter men bilim berý mekemeleri lısenzııa rásimdeýge ýaqytynda kirispeı jatady. Osyǵan baılanysty mınıstrlik zańnamaǵa ózgerister engizýdi usynyp, mektepterdi lısenzııa alýǵa deıin tolyq daıyndyq satysynan ótkizý mehanızmin qarastyryp jatyr.