2025 jyldyń alǵashqy jartyjyldyǵynda elimizde esirtki qylmysyna qarsy kúres sheńberinde 6,4 tonna esirtki zaty tárkilengen. Bul týraly Ishki ister mınıstri Erjan Sádenov málimdedi, dep habarlaıdy Egemen.kz.
Mınıstrdiń aıtýynsha, jarty jyl ishinde 17 myńnan astam esirtki satý jáne nasıhattaý baǵytyndaǵy ınternet saıty buǵattalǵan. Esirtki qylmysyna qatysy bar 500-ge jýyq adam ustalǵan. Olardyń qatarynda 28 adam Telegram-arnalardyń ákimshileri.
Sonymen qatar el aýmaǵynda qoǵamdyq oryndarda ishimdik ishkeni úshin 107 myń azamat jaýapkershilikke tartylǵan. Alkogol ónimderin satý boıynsha 7 myń zań buzýshylyq tirkelip, 11 myń adamǵa spırttik ishimdikterdi paıdalanýǵa tyıym salynǵan.
Mınıstr Erjan Sádenov atalǵan derekter qoǵam qaýipsizdigin qamtamasyz etý jáne quqyq buzýshylyqtardyń aldyn alý baǵytynda atqarylyp jatqan keshendi sharalardyń bir bóligi ekenin atap ótti.